संक्षिप्त परिचय

यो संस्था सहकारी सिद्धान्तमा आधरित हुने गरी बचत तथा ऋण सहकारी संस्थाको रुपमा बचत तथा ऋणको कारोबार गर्ने उद्देश्य राखी स्थापना गरिएको हो । सामान्यरुपमा विश्वको उदार नीति र बिशिष्ट आर्थिक निति पछ्याई रहेको नेपालको परिवर्तित आर्थिक संरचनाले एक व्यक्तिको पूंजी भन्दा संकलित संयुक्त लगानीलाई जोड दिएको छ । यहिं परिवर्तित आर्थिक दृष्टिकोण र परिवर्तित आधुनिक शैलीमा सदस्यहरुका बिकाशलाई मुख्य उत्तरदायित्व मान्दै यो सहकारी संस्था वित्तीय र व्यवस्थापकीय पारदर्शिता तथा जवाफदेहिताको प्रण गर्दछ । बिकाशको मूल प्रवाह र भौगोलिक रुपमा अति पिछडिएको अवस्थामा रहेका नेपालीहरुका आर्थिक, सामाजिक तथा राजनैतिक सक्षमता बिकास गर्न यस संस्थाले सदस्य विस्तार गर्दै सहकारीताको माध्यमबाट देश बिकासमा टेवा पुर्‍याउनेछ भन्ने अपेक्षा राख्दछ ।

बसाहा बचत तथा ऋण सहकारी संस्था जिल्ला सहकारी डिभिजन कार्यालय काठमाडौमा सहकारी ऐन २०४८ को दफा ५ को आधारमा २०६४।१२।२१ (३ अप्रिल २००८) मा दर्ता भएको हो । यस संस्थाले वित्तिय कारोबार गर्ने गर्दछ । यो संस्था नेफ्स्कून र काठमाडौ जिल्ला बचत तथा ऋण सहकारी संस्थाको सदस्य रहेको छ ।